Janë zbardhur detaje të tjera nga atentati që ka tronditur sot Shkodrën. Shënjestër e autorëve ishte makina në të cilën ndodhenin Hamza Lici dhe Arlind Bushati, e cila u qëllua me breshëri me kallashnikov. Lici humbi jetën në vendngjarje, ndërsa Bushati ndërroi jetë më vonë në spital pasi kishte marrë plumb në kokë. Ndërkohë mësohet se nga kontrolli që është ushtruar në makinën ku udhëtonin Lici dhe Bushati, policia ka gjetur dy armë. Po ashtu më shumë se 20 gëzhoja bëhet me dije se janë gjetur në vendin e ngjarjes.
