Ashtu siç pritej gjykata e posaçme ka lënë në fuqi arrestin me burg për Ilir Metën.
Seanca për vlerësimin e masës së sigurisë ndaj Ish presidentit të Republikës, aktualisht kryetari i Partisë së Lirisë, Ilir Meta, Monika Kryemadhit, Piro Xhixhos dhe Ema Çokut u mbyll disa minuta më parë.
Meta u mbrojt vetë dhe nuk e la avokatin të fliste, ndërsa akuza përfaqësohej nga 3 prokurorë: Altin Dumani, Arben Kraja dhe Sotir Kllapi.
Vendimi për lënien në burg të Metës u mor nga gjyqtari Erjon Çela. Gjatë kohës që pritej vendimi, Monika Kryemadhi ka qëndruar në korridoret e gjykatës duke pritur, siç tregon video më poshtë.
