Një aksident i pazakontë ka ndodhur në Plug të Lushnjës gjatë natës së të hënës ku dy makina kanë përfunduar brenda një lokali. Mësohet se drejtuesi i një automjetit tip “Volksvagen” ka humbur kontrollin dhe ka goditur një mjet tip “Benz” që ishte i parkuar para lokalit duke përfunduar të dy brenda.
Në momentin që ndodhi aksidenti, lokali ka qenë i mbyllur dhe nuk ka pasur persona brenda. Dëmet materiale janë të shumta ndërsa fatmirësisht nuk pati të lënduar përveç shoferit që është dërguar menjëherë me urgjencë në spitalin e Lushnjës. Pronarja e lokalit tha se u dëgjua një zhurmë e madhe teksa ishin në shtëpi.
“Dëgjuam një zhurmë të tmerrshme ndërsa ishim në shtëpi dhe pamë nga kamerat çfarë kishte ndodhur. Këtu është shkatërruar gjithçka”, - deklaroi ajo. ©LAPSI.al
