Goditja që Douglas Luiz i dha Patric gjatë ndeshjes Juventus-Lazio, e cila zemëroi ekipin kryeqytetas, u shqyrtua nga shefi i arbitrave Gianluca Rocchi në takimin e Open Var. Duke parë vlerësimin e bërë në fushë dhe në dhomën e VAR-it, numri një i arbitrave italianë shpjegoi se nëse braziliani do të ishte përjashtuar nga arbitri Sacchi në fushë, askush nuk do të kishte kundërshtuar. Pse atëherë VAR nuk ndërhyri? Çështje intensiteti kontakti.
AUDIO VAR
Audioja e bisedës midis arbitrit dhe asistentëve të tij në VAR thekson se ata e vlerësuan goditjen e brazilianit nga pas ndaj mbrojtësit të Lazios, jo si një moment për të ndërhyrë. Megjithatë, ndryshe nga sa vërehej nga asistenti, nuk ishte një kontakt aksidental: “Nuk është edhe aq aksidental. Po e kontrolloj. E shtyn pak… Shumë pak. Jo, asgjë. Kontrolli përfundoi.”
DIZENJATORI ROCCHI REAGON MBI EPISODIN
Në këtë pikë, ndërhyri Rocchi duke u shprehur shumë qartë: “Sigurisht që nuk është aksidental dhe sigurisht që neve nuk na pëlqejnë këto sjellje. Po e them sinqerisht, nëse ky lojtar do të ishte përjashtuar, për shembull në fushë, askush nuk do të kishte thënë asgjë, sepse gjithsesi janë gjeste që nuk na pëlqejnë.” Për këtë, ai përmendi një rast të ngjashëm, kontaktin Pellegri-Gatti në Empoli-Juventus, ku vendimi në fushë nuk ishte ndryshuar.
PSE VAR NUK NDËRHYRI?
Pse atëherë VAR nuk ndërhyri? Kjo është shpjegimi i Rocchi për goditjen e Douglas Luiz: “Sepse në këtë rast VAR-i ishte mjaft i shpejtë në vlerësimin e tij dhe e bazoi në intensitetin e goditjes: nuk ndëshkon gjestin në vetvete, por përqendrohet në intensitet. Është një vendim që mund ta kuptoj, por po ju them sinqerisht, neve nuk na pëlqejnë këto sjellje. E kuptoj mosndërhyrjen e VAR-it, por i them lojtarëve dhe klubeve që të kenë parasysh se këto sjellje nuk kanë të bëjnë me frymën sportive dhe duhet të jemi shumë të kujdesshëm për t’i dalluar".
Lexo më tej: Lazio, Fabiani e Caicedo të tërbuar me arbitrimin ndaj Juventus: "Të luash 12 kundër 10 është e vështirë"
"Po e përsëris, nuk është një goditje aq e qartë sepse përndryshe do të flisja për një gabim 100%. Ka një pjesë interpretimi sepse është më shumë një gjysmë shtytje sesa një goditje e pastër, por gjithsesi është një gjest që nuk na pëlqen. Sigurisht që mungon një karton i verdhë 100%, ky është minimumi që mund të ishte sanksionuar. Nëse do të ishte një karton i kuq, nuk do të habitesha.”
STRAMACCIONI NUK ËSHTË I BINDUR
Në studio, megjithatë, nuk dukeshin shumë të bindur dhe si Ciro Ferrara ashtu edhe Andrea Stramaccioni, komentatorë të DAZN, theksuan nevojën për një ndëshkim për Douglas Luiz. Stramaccioni ishte më i prerë: “Sipas meje, kur një lojtar, ndërsa topi është larg, ngarkon një goditje dhe godet kundërshtarin, duhet të ndëshkohet, përndryshe gjithçka është e lejuar. Douglas Luiz këtu, duke dalë nga zona e penalltisë, ngarkon bërrylin e djathtë dhe godet Patricun, pa pasur topin. Në epokën e VAR-it, ky është një faull, me respekt, nga koha kur luaje ti, Ciro. Shiko këtu, ai ngarkon dhe e godet. Kjo nuk mund të bëhet. Për mua, kjo nuk lejohet.”
