Një problem me radarët tokësorë ka bllokuar fluturimet në qiejt e Italisë veriperëndimore deri të paktën në orën 20:00 të kësaj të diele. Kjo ka bërë që dhjetëra avionë të devijohen drejt aeroporteve të tjera duke shkaktuar mjaft kaos dhe shqetësim për ata që duhet të kalojnë tranzit përmes Milanos me aeroportet e (Malpensa dhe Linate) ose Torinos, Bergamos dhe Genovas. Këtë e konfirmon Eurocontrol, agjencia evropiane që mbikëqyr lëvizjet në hapësirën ajrore të kontinentit.
“Qiejtë e qendrës së kontrollit të zonës së Milanos (e cila menaxhon të gjitha lëvizjet mbi Piemonte, Lombardi, Liguria, Valle d'Aosta, një pjesë e Emilia-Romagna dhe Veneto) nuk janë të disponueshme deri në orën 20:00) për shkak të një problemi të radarëve” – thuhet në buletinet zyrtare. Corriere shkruan se një problem softuerësh ka sjellë bllokimin e sistemeve kryesore të qendrës së kontrollit të zonës. Në raste të tilla aktivizohet një sistem rezervë, i cili megjithatë kërkon një reduktim prej 65% të lëvizjeve në pritje të rikthimit të atij kryesor.
Rifillimi i lëvizjeve, sipas Eurocontrol, pritet nga ora 17:40 deri në mesnatë "por me vonesa të konsiderueshme", gjë që rrezikon të ketë pasoja edhe në fluturimet të hënën e 21 tetorit, dita e pikut të udhëtimeve. Disa fluturime u ndaluan përpara nisjes dhe disa u devijuan diku tjetër. Disa avionë që u ngritën nga Italia e Jugut, më pas u devijuan në Romë Fiumicino ose ata nga Evropa Veriore u kthyen në bazë. ©LAPSI.al
