E dashura e Liam Payne, Kate Cassidy, ka folur për ndarjen nga jeta të ish-anëtarit të One Direction.
“Faleminderit për të gjitha fjalët e mira dhe ngushëllimet që më keni dërguar”, ka postuar ajo në Instagram Story të premten. “Kam qenë e përhumbur. Ende nuk më besohet. Unë kërkoj dhe lutem që ju të më jepni hapësirën që ta kaloj këtë dhimbje privatisht.”
Më pas ajo iu drejtua “engjëllit” të saj. “Liam, engjëlli im. Dua të dish se të kam dashur pa kushte. Do të vazhdoj të të dua për pjesën tjetër të jetës sime. Të dua Liam”. Ajo e përfundoi mesazhin e përzemërt me numrin 444, një numër që besohet se përfaqëson dashurinë dhe mbështetjen.
Cassidy – e cila u lidh për herë me Payne në tetor 2022 – ishte me këngëtarin në Argjentinë disa ditë përpara se ai të vdiste në Buenos Aires pasi ra nga ballkoni i katit të tretë të dhomës së tij të hotelit. Ai ishte 31.
Disa orë para ngjarjes tragjike, Payne postoi disa foto dhe video në Snapchat-in e tij. Në një nga fotot e fshira që atëherë, kompozitori u tha fansave se po kalonte një "ditë të bukur" ndërsa ishte me Cassidy.
