I pyetur nga gazetarët në lidhje me atë që po ndodh në Gjykatën Kushtetuese, Sali Berisha deklaroi se, politika dhe bandat që nuk janë të interesuara për përgiimet e SKYEcc dhe EncroChat duan të çekuilibrojnë korumin e gjykatës Kushtetuese para marrjes së vendimit.
Lexo më tej: Gjykata e Strasburgut vendos ligjërimin e bisedave të EnkroChat
Pjesë nga fjala e kreut të PD-së, Sali Berisha:
Me gjyqtarët brenda Gjykatës Kushtetuese po ndodhin të gjitha format antikushtetuese të presionit ndaj tyre dhe gjithçka synohet të delegjitimojë dokumente legjitime zyrtare që vendet partnere kanë dorëzuar sepse e konsiderojnë si detyrim të ndihmojnë publikun shqiptar për të pasur një mjedis të sigurt, por edhe si detyrim për rrezikun e madh që bandat dhe mafia përfaqëson për vendet e tyre.
Kjo është e sigurt.
Duan të çekuilibrojnë kuorumin e gjykatës përpara një vendimi jashtëzakonisht të rëndësishëm, i cili sigurisht nuk do të pranohet, do të apelohet nga PD.
Por do të shënojë gllabërimin e institucionit kushtetues nga mafia dhe krimi.
