As Milan dhe as Manchester United: Thomas Tuchel mund të rikthehet në stolin e Anglisë. Federata angleze e futbollit po mendon t’i besojë trajnerit gjerman për të ringjallur kombëtaren pas humbjes së fundit në finalen e Kampionatit Europian kundër Spanjës dhe humbjes së së enjtes së kaluar, e para në histori në Wembley ndaj Greqisë. Ish-trajneri i Chelsea-t dhe Bayern Munich-ut, sipas raportimeve nga Gjermania, pritet të zëvendësojë Lee Carsley-n, trajnerin aktual të përkohshëm që mori detyrën pas Gareth Southgate-it.
Lexo më tej: Tuchel konfirmon lamtumirën nga Bayern: “Asnjë akord për të qendruar”
Vetë Carsley kishte folur për largimin e tij disa ditë më parë: “Ka edhe tri ndeshje dhe shpresoj të rikthehem të drejtoj Kombëtaren U-21”. Pra, një ndryshim pritet së shpejti, me marrëveshjen që është shumë afër për Tuchel, i cili do të ishte trajneri i tretë i huaj që drejton Anglinë pas Eriksson dhe Capello. 51-vjeçari, që në sezonin 2022-23 fitoi Bundesliga-n me Bayern Munich, mund të mburret në karrierën e tij me dy kampionate franceze në kohën kur drejtonte PSG-në, si dhe tre trofe ndërkombëtare me Chelsea-n: një Ligë të Kampionëve, një Kampionat Botëror për Klube dhe një Superkupë Evropiane.
Në javët e fundit, emri i Tuchel-it ishte përmendur si i mundshëm për të marrë drejtimin e Milanit në rast të shkarkimit të Paulo Fonseca-s (me një pengesë të mundshme për këtë angazhim për shkak të pagës së lartë) si dhe të Manchester United, ku Ten Hag ka qenë në rrezik shkarkimi prej muajsh.Ci
