Lapsi Video

Aplikacioni

Android iOS
Flash

Video/ Tomori e Abraham ndalojnë Pulisic të godiste penalltinë: plasin polemikat pas 11 metërshit të humbur

Lapsi.al 7 October 2024
Video/ Tomori e Abraham ndalojnë Pulisic të godiste penalltinë:
Në minutën e 56' të sfidës Fiorentina-Milan, me rezultatin 1-1, u akordua penallti për kuqezinjtë që mund të kalonin në epërsi në fillimin e pjesës së dytë, duke ndryshuar ndeshjen. Goditësi i penalltisë duhej të ishte Pulisic, i cili në fakt iu afrua pikës së bardhë por, me ndalimin e lojës, Tomori shkon dhe e merr topin që më pas ia dorëzon bashkatdhetarit të tij Abraham. Pulisic shkon te shoku i skuadrës për të marrë topin por ish-lojtari i Romës e ndalon me një gjest të krahut si për të thënë: “Do ta gjuaj unë”. E Abraham në fakt godet, me de Gea që bllokoi tentativën e anglezit. Pas ndeshjes Fonseca tha se ishte shumë i zemëruar ("Goditësi i penalltisë është Pulisic, nuk e di pse lojtarët ndryshuan mendje. Unë jam i tërbuar. Fola me të dhe thashë që nuk duhet të ndodhë më") për gjestin e lojtarëve të tij. Nga veprimi i dy anglezëve janë irrituar edhe tifozët kuqezi të cilët fajësojnë dyshen Tomori-Abraham në rrjetet sociale. Lexo më tej: Fonseca i tërbuar me arbitrin e lojtarët e tij: "Ky është cirk. I godet Pulisic, nuk e kuptoj çfarë dreqin bënë" Pati kështu fjalë zemërimi nga tifozët, por edhe nga trajneri Paulo Fonseca dhe me të drejtë. Portugezi e bëri të qartë se Christian Pulisic duhej të ishte ai që ekzekutonte penalltinë. Ajo që ndodhi mbrëmë ishte kaotike dhe Milan shpenzoi dy penallti të gabuara nga Theo Hernandez dhe më pas nga Tammy Abraham. Një video u shfaq në rrjetet sociale pas ndeshjes; dhe tregoi se Fikayo Tomori vrapoi për të marrë topin dhe më pas ia dorëzoi bashkëlojtarit tjetër, Tammy Abraham. Mund të shihet Christian Pulisic duke iu afruar sulmuesit anglez. 27-vjeçari, megjithatë, e largoi me dorë amerikanin e më pas e humbi mundësinë e madhe.

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

18°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI