Paris Hilton ka zbuluar së fundmi se vuan nga çrregullimi ADHD. Në një shkrim për revistën “Teen Vogue”, ajo tregoi se si simptomat e këtij çrregullimi e çuan atë në një institucion edukimi për adoleshentët me probleme në sjellj.
“Duke u rritur, më thoshin gjithmonë se isha shumë energjike, shumë e hutuar, shumë llafazane, pra shumë në gjithçka,”e nis ajo shkrimin e saj.
Paris shtoi se ka kaluar vite duke u ndjerë e keqkuptuar për mënyrën se si truri i saj funksiononte.
“Shumë më vonë gjatë jetës zbulova se çfarë po ndodhte në të vërtetë. Është diçka që dikur e mbaja të fshehtë sepse shqetësohesha për mënyrën se si do të perceptohesha nga të tjerët. Por, këto sfida janë vetëm njëra anë e medaljes. Ana tjetër është diçka e bukur: kreativiteti, pasioni dhe një mendje që shkon drejt gjërave të guximshme dhe të papritura," u shpreh Hilton.Megjithatë për artisten, ADHD nuk është një "kufizim", por " një superfuqi". "Është arma ime sekrete në një botë që shpesh na kërkon të “luajmë” me letra të hapura."
Deficiti i vëmendjes dhe çrregullimi hiperaktiv (ADHD) është një çrregullim i shëndetit mendor që mund të shkaktojë nivele mbinormale të sjelljeve hiperaktive dhe impulsive.
