Për herë të parë në historinë e futbollit shqiptar, Komiteti Ekzekutiv i UEFA-s do të zhvillojë një mbledhje zyrtare në Tiranë, nën organizimin e Federatës së Futbollit. Ky event i rëndësishëm do të mbahet më 8 shtator 2025 dhe përbën një moment të rëndësishëm për futbollin shqiptar dhe vendin tonë. Komiteti Ekzekutiv i qeverisë së futbollit kontinental e mori këtë vendim gjatë mbledhjes së sotme në Pragë, ku u morën edhe disa vendime të rëndësishme në lidhje me futbollin europian.
Mbledhja e nivelit më të lartë të organit drejtues të UEFA-s në Tiranë do ta vendosë Shqipërinë në qendër të Europës. Ky zhvillim historik është një dëshmi e rritjes së ndikimit të Shqipërisë në futbollin europian.
Lexo më tej: Drejtësi shqiptare në Europa League: Juxhin Xhaja arbitron sfidën AZ Alkmaar – Elfsborg
Gjatë mbledhjes u morën edhe këto vendime të tjera:
– U aprovua strategjia e re për futbollin e vajzave 2024-2030.
– U përcaktua fondit i solidaritetit për klubet që nuk marrin pjesë në garat e UEFA-s për periudhën 2024/27
– Finalja e Champions League 2027 nuk do të zhvillohet në stadiumin San Siro për shkak se komuna e Milanos nuk ka garantuar rinovimin e stadiumit. Komiteti Ekzekutiv i UEFA-s ka hapur sërish procesin e kandidimit dhe vendimin përfundimtar do të merret në periudhën maj/qershor 2025.
– Vendi pritës për Kampionatin Europian të UEFA U-19 Futsal 2025 u caktua Kishinjev, Moldavi.
– Mbledhja e radhës e Komitetit Ekzekutiv të UEFA-s do të zhvillohet në Lozanë, Zvicër më datë 16 dhjetor 2024.
