Përfundon 0-0 ndeshja e madhe e javës së pestë të Seria A mes Juventus dhe Napolit. Pas sfidave me Romën dhe Empolin "Zonja e Vjetër" regjistroi ndeshjen e tretë radhasi pa gol. Në një sfidë që rezultoi tepër e luftuar, bardhezinjtë e Thiago Motta-s, dolën me vetëm një pikë. Vlen të theksohet fakti se si Juventusi ashtu edhe Napoli regjistruan nga një gjuajtje në kuadrat gjatë gjithë sfidës. Pas pjesës së parë me rrjeta të paprekura, asnjë gol as në pjesën e dytë, kur Motta u përpoq të befasonte Conten duke zëvendësuar një sulmues klasik si Vlahovic me një sulmues aktiv si Weah. Mundësitë më të mëdha ishin në këtë pjesë të lojës për Politano dhe Koopmeiners, të cilët përfundojnë pa ndëshkuar mbrojtjet përkatëse. Pas kësaj ndeshje Juventus arrin në 9 pikë, një më pak se Napoli i Conte-s, i cili rikthehet në Juventus Stadium dhe rrëmben një barazim.
