Ministri i Brendshëm italian Matteo Piantedosi do të hapë qendrat e pritjes së emigrantëve në Gjadër dhe Shëngjin në muajin tetor.
“Me qendrat e emigrantëve në Shqipëri do të fillojmë në tetor, sigurisht që ka pasur një vonesë prej disa muajsh, kjo për shkak se ka pasur kontrolle normale, ku dhe është zbuluar për shembull se toka duhej të përforcohej. Kjo është e gjitha, procedura shumë normale në progres”, tha ministri, sipas ANSA.
Për sa i përket rrezikut të apelimeve nga emigrantët e ndaluar në Shqipëri, Piantedosi tha se kësaj pike, shteti italian nuk i trembet.
“Ne nuk i trembemi sepse kjo është një rregullore me të cilën Italia parashikon një rregullore evropiane që do të hyjë në fuqi nga viti 2026. Do të ketë procedura të përshpejtuara kufitare me dëbime më të shpejta pa duke penguar të drejtën për azil”, tha ai. Ministri tha se kontestet individuale do të trajtohen rast pas rasti.
