Valentino Rossi nuk do të jetë në gjendje të fshijë lehtësisht nga kujtesa zhgënjimin e kampionatit botëror të MotoGP 2015 të humbur në një fotofinish kundër Jorge Lorenzo. Mbi të gjitha, për sjelljen e Marc Marquez, të cilësuar si të pisët. Shoku i ardhshëm i skuadrës së studentit të tij Francesco Bagnaia te Ducati, spanjolli edhe pas 9 vitesh ende e bën gjakun e Doktorit të vlojë. I ftuar në podkastin për botën e garave të Andrea Migno ai tregoi disa anekdota dhe prapaskena mbi atë që ndodhi në atë kampionat botëror, deri në episodin e Sepang që më pas i kushtoi titullin në garën e fundit në Valencia. Pikërisht në atë garë Kanibali e “shoqëroi” Lorenzo në suksesin e kampionatit botëror.
"Të krahasosh zhgënjimin që ndjeva në kampionatin botëror 2006 me atë që ndodhi në 2015 është e pamundur, nuk ka fare garë. Edhe sepse në vitin 2006 bëra një gabim, u tregova një koqe, Hayden fitoi titullin dhe ky është sport. Në 2015, ndërkohë, mund të qëndrojmë këtu duke folur deri nesër në mëngjes...”, tha Rossi, duke hapur edhe një herë një sirtar të kujtimit të tij që nuk ka gjasa të mbyllet përfundimisht.
Lexo më tej: Video/ Valentino Rossi nominohet 'Legjenda' e MotoGP: është më 'i shpejti' i të gjitha kohëve
ROSSI SULMON ASHPËR MARQUEZ
Pothuajse dhjetë vjet pas incidentit, Rossi nuk është në gjendje të gëlltisë zhgënjimin, duke sulmuar Marc Marquez: "Mendimet e mia për Marquez, pothuajse 10 vjet më vonë, janë se ai është një pilot shumë i fortë, një kampion shumë agresiv Por në 2015-ën shkoi vërtet përtej. Sepse nëse ti je pilot i keq sportivisht, në kufi të pisit sepse dëshiron të fitosh, ka shumë shembuj të tillë, por kurrë, asnjë kampion i Motorsport nuk ka luftuar për të bërë të humbasë një pilot tjetër. Kjo është ajo që shënjoi linjën. Kurrë nuk ka qenë dikush kaq i ndyrë për të bërë dikë tjetër të humbasë".
