Asgjë nuk filtron mbi formacionin dhe mbi mënyrën si Shqipëria do të luajë kundër Gjoergjisë. Sylvinho ka provuar gjithcka me dyer të mbyllura dhe nuk ka zbuluar asgjë për lojtarët që do të zbresin në fushë nesër. Kombëtarja shqiptare ka mbyllur me sukses përgatitjet për ndeshjen e dytë në Grupin B1 të UEFA Nations League ndaj Gjeorgjisë. Pas konferencës zyrtare për shtyp të trajnerit Silvinjo dhe mesfushorit Kristjan Asllani, skuadra zbriti në fushë dhe kreu seancën e fundit stërvitore.
Departamenti i Komunikimit në FSHF bën me dije se grupi u stërvit i plotë. Të gjithë lojtarët gëzojnë formë të mirë fizike dhe do të jenë në dispozicion të trajnerit Silvinjo për ndeshjen ndaj Gjeorgjisë. Atmosfera është fantastike dhe të gjithë djemtë janë të gatshëm për të dhënë maksimumin nesër në stadiumin kuqezi “Air Albania”. Seanca stërvitore e Kombëtares zgjati rreth një orë, duke provuar vendosje taktike dhe situata të ndryshme loje.
Ndeshja e dytë e Grupit B1 të UEFA Nations League, Shqipëri – Gjeorgji do të luhet nesër në stadiumin “Air Albania”, duke nisur nga ora 20:45.
