Pas dy operacioneve delikate në zorrën e trashë për të luftuar një tumor, Totò Schillaci e kishte marrë veten përsëri dhe madje mori pjesë në një program televiziv. Më pas në ditët e fundit pati një rikthim të sëmundjes, me gjendjen që u përkeqësuan të shtunën në mbrëmje me një vajtje në urgjencë dhe shtrimin në departamentin e Pneumologjisë të Qendrës Civile të Palermos.
Totò Schillaci, i famshëm për tifozët e të kaltërve në Kupën e Botës 1990 të organizuar në Itali (për të 6 gola dhe titulli i golashënuesit më të mirë të turneut), po lufton sërish. Në krah të tij është familja që donte të sqaronte gjërat mbi situatën e 59-vjeçarit. Kushtet mbeten serioze, por të qëndrueshme, siç njoftohet në buletinin e fundit mjekësor. Bota e futbollit është e shqetësuar, me shumë mesazhe afrimi nga ata që ndanë me të momente të rëndësishme në karrierën e tij.
MESAZHI NGA BAGGIO
Mes tyre Roberto Baggio, ish-shoku i tij i skuadrës te Juventus. “Forca Totò” shkruan ish-numri 10 në një postim të shpërndarë nga faqja e golashënuesit më të mirë të Italisë '90, i monitoruar natë e ditë nga një ekip mjekësh. Në këto orë edhe Roberto Donadoni, i cili me Schillacin përjetoi momente të rëndësishme në kombëtare, i drejtoi një mendim ish-sulmuesit në frekuencat e Radio Uno: “Të gjithë jemi të shqetësuar për Totò Schillaci, shpresoj që gjithçka të dalë për mirë”.
TIFOZËT NË ANKTH
Për 59-vjeçarin u mobilizuan edhe tifozët: një grup i vogël u mblodh para repartit të pneumologjisë të spitalit ku ndodhet ish-sulmuesi i Inter dhe Juventus. Një reagim të fortë pati edhe në rrjetet sociale ku hashtagu #forzatotò po bëhet i njohur. Tifozët e të gjitha besimeve të futbollit po bëjnë homazhe dhe po përcjellin dashuri me fjalë inkurajuese për një nga futbollistët më të njohur të dekadave të fundit. Në platforma të ndryshme mund të shihen foto dhe video vintage të golave më të mirë me proragonist Schillaci.
