Kryeministrit grek Kyriakos Mitsotakis nuk harron. "Cështja e pronave është një kusht i domosdoshëm që Shqipëria të vazhdojë të ecë në rrugën e saj europiane” tha ai para dhjetëra gazetarëve në Panairin Ndërkombëtar të Selanikut. "Çështja e të drejtave pronësore nuk ka dalë asnjëherë nga axhenda jonë. Ajo po rikthehet, dhe ajo që ne do të bëjmë, është të sigurojmë, me ndihmën edhe të Fredi Belerit në Parlamentin Europian, që të drejtat pronësore të bashkatdhetarëve tanë në Shqipëri të respektohen plotësisht" vazhdoi ai pa harruar të përmendë edhe episodin e rëndë të dosjes beleri mes dy vendeve.
“Kaluam një periudhë të vështirë dhe nuk dua të flas me detaje për rastin e Fredi Belerit. Dua të shpreh kënaqësinë time për faktin që ai ishte me ne në Panairin Ndërkombëtar dhe, që kjo aventurë krejtësisht e padrejtë dhe e panevojshme që ai kaloi, më në fund mbaroi.
Më lejoni të them edhe një herë se marrëdhëniet, duke parë imazhin e gjerë, pra marrëdhëniet midis Greqisë dhe Shqipërisë, që ne duam të jenë shumë të mira, kalojnë nga respektimi i të drejtave të pakicës kombëtare greke të Shqipërisë”, tha ai.
©Lapsi.al
