Paolo Casarin, ish-arbitri ndërkombëtar italian, humbi rreth 40,000 euro në para dhe bizhuteri, pasi pësoi një mashtrim në të cilin një keqbërës e bindi atë se djali i tij ishte përfshirë në një aksident. Historia tregohet nga Il Giorno. Casarin, 84 vjeç, deklaroi në polici se kishte marrë një telefonatë në të cilën një ushtarak i rremë i tha të shkonte në kazermë për të marrë një raport lidhur me një aksident ku ishte përfshirë djali i tij, i akuzuar se kishte shtypur një person tjetër.
Ish-arbitri, i cili mes viteve 1990 dhe 1997 ka qenë gjithashtu dizenjator në Serie A, doli me makinë duke ndjekur udhëzimet e mashtruesit në telefon, i cili, sa herë që linja binte ose Casarin e mbyllte telefonin, e telefononte menjëherë, në mënyrë që viktima të mos kontaktonte djalin e tij dhe të zbulonte të vërtetën.
Ndërsa Casarin po udhëtonte drejt qendrës së San Donato (Milano), krimineli - ose një nga bashkëpunëtorët e tij - u shfaq në derën e shtëpisë së tij, ku kishte mbetur e shoqja. Gruaja e frikësuar nga pasojat e mundshme që mund të kishte djali i saj nga aksidenti i rremë, i dorëzoi para dhe xhevahire me vlerë rreth 40 mijë euro. Ndërkohë, Casarin, duke kuptuar se diçka nuk shkonte, duke qenë se udhëzimet në telefon e bënin të endej nëpër qytet më kot, u kthye në shtëpi, por tani ishte tepër vonë dhe zbuloi të vërtetën e hidhur nga gruaja e tij.
Si pasojë erdhi denoncimi në polici, që tani po heton rastin. Shpresohet të arrihet diçka nga telekamerat e vëzhgimit të instaluara pranë shtëpisë së çiftit.
