Një 75-vjeçar u shpëtua nga mbytja ditën e sotme në plazhin e Semanit. Ngjarja ka ndodhur rreth orës 12:40 në vendin e njohur si “Kulla e Ujit”.
Pushuesi 75-vjeçar K.K, ndodhej 200 metra larg bregut nga ku kërkoi dhe ndihmë. Pasi u nxorr nga uji, pushuesit iu dha ndihma e parë dhe më pas u transportua drejt spitalit jahtë rrezikut për jetën.
Njoftimi i Policisë:
Fier/Shërbimet e Stacionit të Policisë Kufitare Hoxharë shpëtojnë nga mbytja pushuesin në plazhin e Semanit.
Sot rreth orës 12:40, gjatë patrullimit në vendin e quajtur “Kulla e Ujit”, në plazhin e Semanit, nga patrulla e Kufirit është konstatuar një shtetas rreth 200 m larg bregut që kërkonte ndihmë.
Menjëherë shërbimet e Kufirit kanë bërë të mundur nxjerrjen nga uji të shtetasit 75 vjeç, banues në Fier, dhe së bashku me patrullën e Rendit Publik i është dhënë ndihma e parë.
Shtetasi K. K., u shoqërua me ambulancë për ndihmë mjeksore dhe aktualisht ndodhet në kujdesin e mjekëve, jashtë rrezikut për jetën.
