Pamjet e mëposhtme janë nga sherri i ndodhur mbrëmjen e kaluar në Palasë. Mësohet se disa persona kanë dhunuar një 42-vjeçar më sende të forta dhe me shkelma.
42-vjeçari Luçiano Koçeku i njohur dhe si “Tur Koçeku”, është protagonisti i sherrit në ambientet e një lokali në Palasë.
Sipas burimeve të Syri tv, Koçeku ka qenë i shoqëruar në ambientet e brendshme të lokalit me disa miq të tij, në momentin e sherrit.
Siç shihet dhe nga videoja, disa persona i janë sulur 42-vjeçarit për motive banale. Dyshohet se shkak i sherrit janë frazat banale që shpesh ndodhin në Shqipëri si "Pse më sheh" dhe "Pse më lag me shampanjë".
Nga sherri e ka pësuar dhe një tjetër person i rastësishëm që ka rënë përtokë dhe i është shembur koka. I dëmtuari ka rënë pa ndjenja në tokë dhe disa të tjerë i kanë ardhur në ndihmë.
Për sherrin Policia ka shpallur në kërkim Genti Balecin 49-vjeç banues në Durrës dhe Xhoni Spaho, 28-vjeç, banues në Tiranë të dy me precedentë të mëparshëm penal, pasi kanë lënë të plagosur duke goditur me sende të forta 42-vjeçarin.
Në lokal, sipas burimeve ka qenë prezent edhe Fatmir B,i shpallur në kërkim nga Policia për një plagosje me thikë në Komunën e Parisit, shtetasin Mirel Ishka, pas nje sherri për motive të dobëta. Burime për Syrin bëjnë me dije se Fatmir B. nuk rezulton në komunikatën e Policisë së Shtetit, por të njëjtat burime saktësojnë se ky shtetas ka qenë një nga personat kryesorë të përfshirë në sherrin e ambienteve brenda lokalit në Palasë.
