Moti ka treguar një tjetër anë të tij brenda ditës së sotme teksa mbrëmja ka sjellë një ndryshim të befasishëm në zonat e Tiranës dhe Elbasanit. Momentalisht, temperaturat e larta i kanë lënë vendin stuhisë së fuqishme dhe reshje intensive shiu dhe breshërit.
Në kryeqytet stuhia është shoqëruar me erëra të forta që arrijnë deri në 11 km/h teksa temperaturat që shkojnë deri në rreth 30 gradë Celsius, vazhdojnë të mbeten prezente. Në Elbasan, stuhia u shoqërua me reshje të dendura shiu, stuhi dhe erë të fortë.
Moti ka ndikuar në qarkullimin nëpër rrugë, duke kufizuar pamjen dhe duke e bërë të vështirë lëvizjen e qytetarëve. Era e fuqishme ka rrezikuar shkuljen e pemëve në rrugë dhe parqe, duke shkaktuar shqetësime për dëme të mundshme.
