Lapsi Video

Aplikacioni

Android iOS
Flash

"Një ëndërr". Gol, asist e MVP në debutimin në Serie A: ja kush është Mbangula, surpriza e Thiago Motta

Lapsi.al 20 August 2024
"Një ëndërr". Gol, asist e MVP në debutimin
Mbangula? Luan sepse e meriton”, ishte kontstatimi i Thiago Motta. E thënë, e bërë. Samuel Mbangula ishte lëvizja e parë surprizë e Thiago Motta si trajner i ri i Juventus. I rreshtuar titullar ndaj Como, anësori belg markoi debutimin e tij në ekipin e parë me golin që zhbllokoi ndeshjen në Allianz Stadium. Një gol që nxori në pah të gjitha cilësitë e tij: vrapim, shpejtësi, driblim dhe saktësi goditje. “Ishte një emocion i veçantë sepse ishte hera e parë në Serie A dhe erdhi goli i parë – i tha ai Dazn në fund të ndeshjes –. Jam shumë i lumtur, kur shënova golin e parë mendova se ishte një ëndërr. Kur e ndjej stadiumin me të gjithë tifozët është një ndjenjë e pabesueshme”.

POR KUSH ËSHTË SAMUEL MBANGULA?

Belgu i lindur në 2004, mbushi njëzet vjeç më 16 janar, Mbangula u rrit si futbollist në sektorin e të rinjve të Club Brugge. Në vitin 2019 erdhi thirrja nga Anderlecht, ku ai qëndroi vetëm për një vit, sepse vendosi të pranonte interesimin e Juventus. Ai filloi të luante me ekipin U-17 ku u evidentua menjëherë, duke u promovuar në ekipin U-19 fillimisht (skuadra Primavera) dhe te Next Gen sezonin e kaluar. Në verë ai u thirr në ekipin e parë nga Thiago Motta, duke dalë në fushë në ndeshjet kundër Nuremberg dhe Brest. Këtë mbrëmje ai bëri debutimin e tij në ekipin e parë, duke u bërë lojtari i parë belg në histori që luan titullar në Serie A me Juventus. E nisi karrierën si sulmues i parë, por me kalimin e viteve ai ndryshoi pozicionin e tij, duke luajtur shpesh si në krahun e majtë ashtu dhe si sulmues i dytë. I vlerësuar shumë si nga Montero ashtu edhe nga Brambilla, ai ishte një gur themeli si për ekipin e U-19 ashtu edhe për Next Gen, duke fituar gjithashtu një thirrje në ekipin kombëtar për kualifikueset e Kampionatit Europian të kategorisë. Ndërsa pret përforcimet që do të mbërrijnë në merkato, Thiago Motta tashmë është i vetëdijshëm se ka një shigjetë shtesë në harkun e tij ofensiv.

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

17°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Investigimi/ Si arriti Ergys Agasi të bëhet ‘koordinatori’ i Ramës me krimin

SPAK e akuzon se ndërtoi një grup të strukturuar kriminal për të kontrolluar tenderët publikë dhe se e shtriu ndikimin e tij në Policinë e Shtetit, AKSHI dhe Shërbimin Informativ. Ish-zv. kryeministri Arben Ahmetaj e ka përshkruar si ndërmjetës mes kryeministrit dhe botës së krimit. Si u transformua brenda një dekade ish-zyrtari i Ministrisë së Mjedisit në biznesmen me pasuri të mëdha dhe akses në nivelet më të larta të qeverisjes?

12:04

Me sytë katër

SPORT

Të tjerë artikuj

PAPARAZZI