Elson Reçi një emër i kërkuar nga drejtësia shqiptare është arrestuar në Dubai. Arrestimi i tij u krye me qëllim ekstradimin për t’u përballur me akuza të rënda në vendlindje. Reçi kërkohet nga autoritetet shqiptare si organizator i vrasjes së Preng Gjinit, një krim që është konsideruar si hakmarrje për vrasjen e xhaxhait të tij, Kastriot Reçi.
“Elson Reçi ishte person në kërkim ndërkombëtar nga Interpol Tirana, pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin e datës 15.05.2024, ka caktuar për këtë shtetas masën e sigurimit “arrest në burg”, për veprat penale "vrasje për gjakmarrje” e mbetur në tentativë, “sigurimi i kushteve dhe mjeteve materiale për të kryer vrasje” dhe “mbajtja pa leje dhe prodhimi i armëve, armëve shpërthyese dhe municionit”, si dhe “kultivimi i bimëve narkotike”, vepra këto të kryera në formë të veçantë të bashkëpunimi, atë të grupit të strukturuar kriminal, “grup i strukturuar kriminal” dhe "pjesëmarrja në grup të strukturuar kriminal" – thuhet në njoftimin e policisë së shtetit.
[caption id="" align="alignnone" width="539"]
Preng Gjini[/caption]
Në maj të këtij viti, në kuadër të megaoperacionit “Metamorfoza 3”, SPAK, goditi 7 grupe kriminale, njëri prej të cilëve drejtohej nga Elson Reçi në Rrëshen. Në këtë dosje SPAK zbardhi edhe atentatin e 15 shtatorit 2020 në Tiranë ku u hodh në erë makina me të cilën udhëtonte Preng Gjini, i cili mbeti i plagosur rëndë.
[caption id="" align="alignnone" width="653"]
Kastriot Reci[/caption]
Në dosje thuhet se personi që kreu atentatin është nipi i Kastriot Reçit, Elson Reçi. Në njoftimin e SPAK theksohet se personi i cili informonte Reçin për të gjitha lëvizjet e Gjinit ishte Klodian Shahini, me detyrë Shef i Seksionit të Trafiqeve dhe Narkotikëve në Drejtorinë e Lezhës.
[caption id="" align="alignnone" width="532"]
Klodian Shahini[/caption]
Në makinën me të cilën udhëtonte i ishte vendosur një sasi tritoli 400 gramë C4, në pjesën e përparme, me shpërthim të kontrolluar në distancë. Atentati që atëherë u dyshua se lidhet me sagën e hakmarrjeve mes dy fiseve mes fiseve Reçi e Gjini, por në deklaratën e bërë nga vetë Gjini më vonë e mohoi. Elson Reçi, është nipi i Kastriot Reçit, i vrarë me snajper nga një tarracë pallati në janar të 2020-ës. ©LAPSI.al
