Cila do të jetë e ardhmja për Victor Osimhen? Nigeriani, aktualisht, është në qendër të një situate jashtëzakonisht komplekse. Në merkato prej disa kohësh, sulmuesi i Napolit është përafruar disa herë me PSG, që megjithatë nuk i është afruar kurrë kërkesës së De Laurentiis për çmimin (130 milionë euro). I njëjti skenar për Chelsea, me të cilin pronari i të kaltërve shpresonte të fillonte një shkëmbim (plus pagesë në favor të napolitanëve) për t'i dhuruar Antonio Contes sulmuesin e tij të preferuar: Romelu Lukaku.
Kështu, për momentin, lojtari i lindur në '98 e gjen veten jashtë skuadrës së Napolit. Kjo situatë ka të ngjarë të ndikojë në moralin e lojtarit. Nëse përsa i përket futbollit të luajtur, nigeriani është jashtë projektit të Napolit, edhe jashtë fushës situata nuk është aspak e qetë, siç dëshmohet nga reagimi i ashpër, në disko, ndaj një tifozi që po e filmonte.
OSIMHEN FILMOHET NË DISKOTEKË
Mbrëmjen e së shtunës, në fund të ndeshjes kundër Modena, disa lojtarë të Napolit u mblodhën në një lokal të njohur në qytet për ditëlindjen dhe festën e lamtumirës të Cajuste (transferuar te Brentford). Ndër këta ishte edhe Viktor Osimhen. Gjatë mbrëmjes, nigeriani vuri re se po filmohej nga një tifoz.
Lexo më tej: Osimhen nuk del në stërvitje me Napolin, Calenda e zgjidh me PSG: gati mbi 100 milionë euro
Nga këtu lindi edhe reagimi shumë i ashpër i sulmuesit nigerian, i cili i kapur nga nervozizmi iu afrua për t’i rrëmbyer telefonin nga duart tifozit, me qëllim që të ndalonte xhirimet. Një episod i pakëndshëm që përfshin sulmuesin nigerian Osimhen, i cili tashmë mund të jetë subjekt i një sanksioni nga klubi.
