Historia mes Noizy-t dhe TikTok-erit, Medi Iseni vazhdon… Pas arrestimit të këngëtarit mëngjesin e sotëm një tjetër deklaratë është bërë nga TikTok-eri i cili akuzon reperin Arkimed Lushaj, i njohur me emrin e artit Stresi dhe babain e tij, Sali Lushaj si personat që kanë thurur planin për rrahjen brutale të bërë ndaj tij.
Siç ka thënë edhe më herët, ai rikonfirmon për Top Channel se Stresi është personi që e ka futur në kurth, duke u bërë kështu viktimë e një sherri të rëndë.
Nga bisedat në Whatsapp, Stresi i kërkon Medit të shkojë te një dhomë në klubin në Pejë, për ta prezantuar me Noizyn dhe siç i thotë ai “për të mbyllur çështjen”. Në përgjigje, Medi i shkruan se nuk dëshirë të takohet, pasi mund të krijohet ndonjë problem. Nga ana tjetër Stresi i garanton që të mos shqetësohet, dhe me këtë mesazh Medi bindet dhe shkon në pikëtakimin, aty ku doli i rrahur rëndë.
Stresi: Hajde këtu te dhoma. Pimë ndonjë gotë. Kur të vijë zini (Noizy) ta prezantoj dhe t’i mbyllim
Medi: Po s’du me u taku me atë brenda pa u kry mos ka ndonjë problem aty brenda
Stresi: Pa merak kam fol më parë
Medi: Okej, a të vij me këta dy brenda, të nisem
Stresi: Hajde këtu jam
Medi Iseni tregon se personi që e ka filmuar teksa e rrihnin rëndë ka qenë Stresi, ndërsa prapa kamerës qëndronte edhe Noizy, për të cilin thotë se kur kanë ndaluar së filmuari e ka rrahur barbarisht dhe në mënyrë çnjerëzore.
Ndërkohë në një audio mesazhi “whatsapp”, ai dëgjohet duke i thënë babait të Stresit se është nisur për në Pejë se bashku me disa nipër e dhëndr të tij për të zgjidhur problemet me Noizyn dhe se nuk ka asnjë qëllim të keq ndaj tij.
“Si je, familjen? Jam rugës në Pejë me nipërat e mi dhe me dhëndrat në një lounge pasi nuk e mbylla me Noizyn siç duhet”, dëgjohet t’i ketë thënë ai.
Babai i Stresit i përgjigjet se “ka shkuar edhe Gani Geci aty, pa problem”, duke i thënë të mos shqetësohet.
Pas sherrit brutal, Medi ka shkëmbyer mesazhe sërish me babanë e Stresit, i cili sipas tij “bën sikur nuk di gjë me ngjarjen e ndodhur”, por në fakt thotë Medi për TCh, ky kurth ka qenë i planifikuar në bashkëpunim me njëri tjetrin.
Babai i Stresit: Kështu po më thotë një djalë që s’kanë folë hiç, po kanë sharë dhe gjuajtur. U lidhe me Kozakun (personazh i njohur në TikTok, se po flas me të po hapja telefonin.
Medi: Ne as nuk kemi fol, të kallëzon Arkimedi
Babai i Stresit: E di se më tha ai djali. Kanë qenë edhe të Kosovës? Më fal, qetësohu dhe flasim. Medi! Hë Medi si je? A shkove në shtëpi? Fola dhe me Stresin se ishte në gjumë në Kosovë. M’u betua në Zot dhe në çdo gjë që skam pas asnjë sinjal. Flasim kur të vij në Tiranë se s’duhej të ndodhte kurrë. Baba u mërzit boll dhe nuk e di o Met, veç ka ndodhur keq.
