Reperi Rigels Rajku ose ndryshe i njohur me emrin e artit Noizy është shpallur në kërkim nga policia e Kosovës. Sipas mediave online, Insajder shkruan se artisti nuk është paraqitur në polici për rrahjen masive ndaj Medi Isenit, që e denoncoi për dhunë.
Operacioni për kërkimin e Noizyt është duke u realizuar me urdhër të Prokurorisë në Pejë. Policia e Kosovës ka lëshuar një flet arrest pasi ai nuk është paraqitur në stacion policor pas ftesës nga institucioni.
Lajmin e ka konfirmuar Shkodran Nikçi, zëdhënës i Prokurorisë në Pejë.
Lexo edhe: Rrëfimi i Noizy-t për bandën OTR dhe promovimi që i bën Veliaj si “ikonë e rinisë”
“I njëjti nuk është paraqitur në stacionin policor për intervistim, i bëjmë apel këngëtarit që të paraqitët tek organet kompetente”, ka thënë Nikçi.
Ndërkohë që në Kosovë e kërkon policia, në Tiranë, këngëtari promovon miqësinë që ka me kryeministrin Edi Rama dhe kryebashkiakun e Tiranës, Erjon Veliaj.
