Kreu i KQZ, Ilirjan Calibashi iu referua ligjit për shqetësimin e opozitës në lidhje me disa votues që janë paraqitur në qendrat e votimit me karta identiteti të skaduara. Celibashi tha se nuk është përgjegjësi e KQZ që të vlerësojë këtë çështje, por kjo përcaktohet qartë në ligj.
"Besoj se të gjithë e kuptojnë, qoftë institucionet që merren me administrimin e zgjedhjeve, qoftë votuesit duhet të respektojnë ligjin. Nëse pranojmë këtë, çdo diskutim ka dobi. Jemi apo nuk jemi në respekt të ligjit. Kjo ka rëndësi. Pastaj çdokush mund të bëjë komentet e veta dhe është i përligjur" tha Celibashi.
Kryekomisioneri e shmangu përgjigjen për një variant të votimit me certifikata nga votuesit e Himarës.
"Kodi ka përcaktuar që ka vetëm dy dokumente të vlefshme, karta e identitetit dhe pasaporta" tha ai.
Opozita pretendon se janë mbi 6 mijë votues që kanë mbetur jashtë qendrave të votimit me karta identiteti të falsifikuara.
