Një makinë tip BMW që u gjet e djegur në fshatin Bejaj të Mallakastrës dyshohet se është përdorur në atentatin me armë zjarri në Memaliaj, ku u vra 74- vjeçari Shyqyri Kalemi dhe dy persona të tjerë të pafajshëm, klienti Marsel Çela dhe kamarieri Gledio Muka.
[video width="1212" height="576" mp4="https://cdnimpuls.com/lapsi.al/wp-content/uploads/2024/07/vcompress_141.mp4"][/video]
I plagosur në këtë ngjarja të rëndë mbeti edhe vëllai i 74-vjeçarit, Artur Kalemi 57-vjeç, i cili ndodhet në gjendje të rëndë në spital.
Ndërkohë në këtë foto shihet makina e djegur, brenda së cilës janë gjetur armë zjarri që dyshohet se janë përdorur nga autorët për të kryer krimin.
[video width="720" height="1272" mp4="https://cdnimpuls.com/lapsi.al/wp-content/uploads/2024/07/vcompress_142.mp4"][/video]
Armët pritet ti nënshtrohen analizave për të faktuar nëse janë përdorur ose jo në atentatin që shkaktoi 3 viktima dhe nëse ka gjurmë daktiloskopike të autorëve, që më pas mund të çojnë në identifikimin e vrasësve.
