Një shqiptarë është shpallur fajtor për akuzat e prodhimit dhe shitjes së kanabisit në Edinburgh të Skocisë. Bëhet me dije se Dritan Katana 41-vjeç u arrestua gjatë një aksioni policor në ish-Hotelin Buccleuch në Hawick në tetorin e vitit të kaluar, kur u zbuluan bimët narkotike me një vlerë prej 500,000 paundësh. Gjithashtu Katana pranoi fajësinë kur u shfaq para gjykatës, por dhënia e dënimit ndaj tij është shtyrë për në datën 22 korrik.
“Ne mbetemi të përkushtuar për të penguar furnizimin e paligjshëm të drogës në komunitetet tona dhe do të përdorim çdo mjet dhe burim që kemi në dispozicion për të hequr këto substanca të paligjshme nga rrugët tona," tha Inspektori Robbie Noble, nga Policia e Skocisë.
