Shpërthen aksidentalisht bombola e gazit në shtëpinë e një 62-vjeçareje në Vlorë. Mësohet se 62-vjeçarja R.C është dëmtuar lehtë dhe momentalisht ndodhet në spital jashtë rrezikut për jetën.
Grupi hetimor ndodhet në vendngjarje për sqarimin e rrethanave të incidentit.
Njoftimi i Policisë:
Vlorë/Informacion paraprak
Rreth orës 14:30, në lagjen “Pavarësia”, në banesën e shtetases R. C., 62 vjeçe, dyshohet se ka shpërthyer aksidentalisht një bombol gazi.
Si pasojë e shpërthimit ka mbetur e dëmtuar lehtë 62-vjeçarja, e cila ndodhet në spital, nën kujdesin e mjekëve. Grupi hetimor vijon veprimet për sqarimin e plotë të rrethanave të rastit.
