Një aksident është regjistrar mesditën e sotme në aksin rrugor Peshkëpi-Selenicë. Mësohet se një mjet tip "Toyota”, ka aksidentuar një këmbësor 83-vjeçar.
Sipas njoftimit të policisë i moshuari do të transportohet në spitalin e Traumës, për ndihmë mjekësore të specializuar. Drejtuesi i automjetit u shoqërua në komisariat, për veprime të mëtejshme.
Njoftimi i plotë:
Vlorë/Informacion paraprak. Sot, në aksin rrugor Peshkëpi-Selenicë, në afërsi të fshatit Lubonjë, shtetasi A. N., 46 vjeç, duke drejtuar automjetin tip “Toyota”, ka aksidentuar shtetasin I. Xh, 83 vjeç (këmbësor) i cili do të transportohet në spitalin e Traumës, për ndihmë mjekësore të specializuar.
Drejtuesi i automjetit, u shoqërua në komisariat, për veprime të mëtejshme. Grupi hetimor ndodhet në vendngjarje dhe po kryen veprimet e mëtejshme për aksidentin”, njofton policia.
