Ish-deputetja e PD-së për qarkun e Korçës, Ledina Alolli është paraqitur ditën e sotme në ambientet e Prokurorisë së Posaçme. Ajo është parë teksa futet në ambientet e SPAK por ende nuk dihet arsyeja e paraqitjes së saj atje.
Alolli ka qenë edhe kandidate për bashkinë e Korçës në 2023. Përgjatë viteve 2009–2013 Ledina ka qënë Deputete e Kuvendit të Republikës së Shqipërisë për Qarkun Korçë. Në të njëjtën kohë ka qënë pjesë e disa komisioneve parlamentare si Anëtare e Komisionit të Ekonomisë dhe Financave, Anëtare e Sekretariatit për Kërkim Shkencor, Bibliotekën dhe Botime, Anëtare zvendësuese e Komisionit Parlamentar të Edukimit dhe Medias.
