Djali i Presidentit të Serbisë, Aleksandar Vuçiç dyshohet se u përpoq të bashkohej me një përleshje huliganësh me tifozët anglezë përpara ndeshjes së të dielës. Në disa video të publikuara në rrjetet sociale thuhet se bëhet fjalë pikërisht për Danilo Vuçiç që tërhiqet zvarrë nga rojet.
Pamjet që qarkullojnë në internet tregojnë një person, për të cilin mediat gjermane dhe kroate kanë thënë se është pikërisht Danilo Vucic, por identiteti i tij nuk është konfirmuar.
Ky person tenton të përfshihet në një sherr masiv jashtë një restoranti në qytetin gjerman të Gelsenkirchen. Daily Mail citon T-Online dhe media të tjera që pretendojnë se djali i Vuçiç mbrohet nga “Cobra”, një njësi elitare e forcave speciale përgjegjëse për mbrojtjen e tij. Pamjet dramatike që kanë qarkulluar në internet, thuhet se tregojnë pikërisht 26-vjeçarin duke u munduar për të çliruar nga 3 roje teksa përpiqet të marrë pjesë në përplasjen e dhunshme.
Në atë skenë kaotike shihen të fluturojnë shishe, karrige dhe tavolina teksa tifozë të të dyja skuadrave shkelmohen dhe rrihen duke i lënë disa prej tyre të plagosur. Kjo ka detyruar dhjetëra policë të ndërhyjnë për të shuar trazurën. Pavarësisht raportimeve se Vuçiç është personi që duket në videon që qarkullon në mediat evropiane, nuk ka pasur asnjë fjalë nga autoritetet serbe mbi pretendimet dhe identiteti i Vuçiqit nuk është konfirmuar.
Në vitin 2018, djali i presidentit u fotografua në tribunat e një ndeshje futbolli në Rusi mes anëtarëve të bandës “Janjicari” e drejtuar nga huligani famëkeq Veljko Belivuk, i dyshuar si trafikant kokaine. Babai i tij pretendoi se djali i tij ishte vënë në padrejtësisht në shënjestër nga mediat për shkak të fotove dhe këmbënguli se ai ishte një “djalosh i ndershëm dhe i denjë”.
Pas përplasjes së të dielës, autoritetet zbuluan se 7 serbë dhe 1 shtetas anglez u ndaluan përkohësisht dhe u ndaluan të merrnin pjesë në ndeshjen e Grupit C, i cili përfundoi me fitoren 1-0 për Anglinë. “Ishte një sherr mes tifozëve anglezë dhe serbë, të cilët u ndanë nga policia. Masat e mëtejshme janë duke u zhvilluar dhe ngjarja është aktualisht duke u sqaruar”, - tha një drejtues i policisë gjermane.
Oficerët ndërhynë pasi shpërthyen përplasjet mes tifozëve jashtë një bar-restoranti të zbukuruar me flamuj serbë. Policia tha se një grup tifozësh të Serbisë po hanin kur një grup i madh tifozësh të Anglisë u përpoqën të futeshin brenda. Një tifoz anglez thuhet se ka marrë plagë në kokë. Policia e përshkroi sherrin si të vetmen përplasje të dukshme mbrëmjen e së dielës. Daily Mail thotë se ka kontaktuar Ambasadën e Serbisë për një koment. ©LAPSI.al
