Debutim fitues për Italinë e Luciano Spalletti. Shqipëria dorëzohet 2-1 në Dortmund, në ndeshjen e parë të Grupit B të Euro 2024. Ndeshja nisi në mënyrë katastrofike për kampionët në fuqi të Europës, me një gabim nga një rivënie e Dimarco që befasoi Bastonin dhe i dhuroi Bajramit golin e pare, pas vetëm 23 sekondash lojë. Rekord absolut në historinë e kampionateve Europianë. Megjithatë, reagimi i të kaltërve ishte i ashpër dhe në minutën e 16’ rezultati ishte përmbysur. Fillimisht Bastoni pas një goditje nga këndi (11') më pas Barella nga jashtë zonës (16') i dhanë tre pikët teknikut Spalletti. Për tu përmendur edhe një shtyllë e Frattesi në pjesën e parë dhe një ndërhyrje e shkëlqyer e Donnarumma në minutën e nëntëdhjetë.
REKORD NË EUROPIANE
Italia e nisi mirë Europianin dhe mundi Shqipërinë me përmbysje, falë golave të lojtarëve të Inter: Bastoni dhe Barella. Italia arrin Spanjën në krye të grupit me tre pikë, diskutim që do të ndryshojë kur të dy kombëtaret të jenë përballë në ndeshjen e dytë të enjten në Gelsenkirchen. Pjesa e parë ishte e shkëlqyer, pas traumës fillestare për shkak të golit blitz të Bajramit. Të kaltrit luajtën një futboll proaktiv, zhvilluan kombinime të mira dhe krijuan shumë mundësi. 2-1 në pjesën e parë është madje i ngushtë, shumë i ngushtë për të besuarit e teknikut Spalletti.
Lexo më tej: Video/ Shqipëria shënon golin më të shpejtë në Europian: Bajrami tund rrjetën e Italisë për 30”
Shqipëria nuk dukej se kishte shumë mundësi. Pjesa e dytë ishte më shumë e kontrolluar sesa e dominuar, në të cilën lodhja bëri të vetën. Megjithatë nëse Spalletti buzëqeshi deri në fund ishte vetëm falë ndërhyrjes së portierit Donnarumma. Në fund të kohës së rregullt i vetëm me portierin e PSG Manaj nuk arriti të shënonte. Tani kuqezinjtë duhet të luajnë gjithcka për gjithcka me Kroacinë humbëse në ndeshjen e parë me Spanjën.
