Të martën, Netflix njoftoi se Cillian Murphy po kthehet në botën e Peaky Blinders në një adaptim filmik të serialit të mirënjohur të transmetuesit.
"Duket sikur Tommy Shelby nuk kishte mbaruar me mua... Është shumë kënaqësi të ribashkëpunohesh me Steven Knight dhe Tom Harper në versionin filmik të Peaky Blinders. Kjo është për fansat," tha Murphy në një deklaratë të shpërndarë në faqen X të Netflix (dikur Twitter).
Regjisori Tom Harper do të drejtojë filmin.
" Peaky ka qenë gjithmonë një histori për familjen - dhe kështu është jashtëzakonisht emocionuese të ribashkohesh me Steve dhe Cillian për të sjellë filmin për audiencën në mbarë botën në Netflix", shtoi Harper në një deklaratë.
Peaky Blinders u shfaq për gjashtë sezone nga 2013 deri në 2022.
Krijuar nga Steven Knight dhe bazuar në ngjarje të vërteta, Cilliam luajti në rolin e mafiozit Thomas Shelby, i cili kthehet në Birmingham pas Luftës së Parë Botërore.
Është një rikthim i veçantë për Murphy, i cili fitoi çmimin e tij të parë Oscar për rolin e tij kryesor si J. Robert Oppenheimer - në Oppenheimer të Christopher Nolan.
Murphy gjithashtu fitoi Golden Globe, BAFTA dhe Screen Actors Guild Award për rolin e tij novator. Plus, kasti i mbushur me yje të Oppenheimer - i cili përfshin gjithashtu Robert Downey Jr., Matt Damon, Emily Blunt, Florence Pugh, Kenneth Branagh dhe më shumë - fitoi çmime si në SAG ashtu edhe në Critics Choice Awards.
