Natalie Portman dhe Paul Mescal u panë së bashku jashtë Bar 69 në Islington, Londër.
Në imazhet, të cilat u postuan nga The Daily Mail, aktorja 42-vjeçare dhe aktori 28-vjeçar, të cilët duket se janë takuar për herë të parë teksa po bënin një intervistë për Variety Actors on Actors vitin e kaluar, shihen duke qeshur dhe duke pirë duhan së bashku.
Portman, e cila u nda nga ish-i Benjamin Millepied në mars, ishte veshur casual me xhinse dhe atlete. Mescal, i cili ka qenë i lidhur romantikisht me këngëtaren Phoebe Bridgers dhe aktoren Sophie Wilde vitet e fundit, kishte veshur pantallona të zeza të gjera dhe atlete të ngjashme.
Gjatë intervistës së tyre në Dhjetor 2023 me Variety, Mescal e përshkroi Natalie si një aktore "brilante".
Natalie dhe Benjamin në heshtje finalizuan divorcin e tyre në shkurt pas 11 vitesh martesë. Dyshja i dhanë fund martesës së tyre në Francë, ku jetuan si familje. Ata ndajnë dy fëmijë - djalin 12-vjeçar Aleph dhe vajzën shtatë-vjeçare, Amalia.
U raportua se Benjamin kishte tradhtuar aktoren fituese të çmimit Oscar me 25-vjeçaren Camille Etienne. Spekulimet filluan kur Benjamin dhe Camille u panë duke dalë nga zyra e tij së bashku. Jo shumë kohë më vonë, u sugjerua se afera e supozuar ishtee "shkurtër" dhe Benjamin "po bënte çdo gjë që ajo ta falte atë ".
