Kelly Rowland u pa duke qortuar një roje sigurie në Festivalin e Filmit në Kanë 2024 të martën.
Fillimisht, ish-anëtarja e Destiny's Child u fotografua duke buzëqeshur dhe duke përshëndetur teksa ecte në tapetin e kuq përpara premierës së "Marcello Mio". Por, ndërsa ajo ngjitej në një sërë shkallësh, një roje sigurie femër ngriti krahun pas saj, duke e larguar nga turma.
Gruaja u duk se po ashtu tha diçka – ose Rowland ose rojes mashkull të sigurisë që qëndronte në të djathtë të këngëtares. Çfarëdo që ndodhi nuk i pëlqeu Rowland,e cila u kthye menjëherë për t'u përballur me të. Fituesja e çmimit ‘Grammy’ drejtoi gishtin drejt saj dhe e qortoi para të gjithëve. Është e paqartë se çfarë e shkaktoi skenën, dhe përfaqësuesit e Rowland nuk iu përgjigjën menjëherë kërkesës së Page Six për koment.
Incidenti vjen tre muaj pasi këngëtarja e "Say My Name" ishte larguar nga seti i emisionit "Today" sepse dhoma e saj e zhveshjes "nuk ishte në nivelin e duhur", duke e lënë Hoda Kotb-in të përpiqej të gjente një bashkë-prezantuese zëvendësuese.
Rowland më vonë këmbënguli se ajo "e do" Kotb, e cila i tha Page Six në mars se emisioni i mëngjesit në NBC kishte planifikuar të përmirësonte dhomat e zhveshjes./Lapsi.al
