Është ndarë nga jeta në moshën 81-vjeçare aktori Vasillaq Godo. Aktori u lind në Vlorë, më 15 shkurt 1943. Godo ishte një ndër aktorët themelues të teatrit “Petro Marko” të Vlorës, ne vitin 1962. Ai ka realizuar mbi 90 role, duke qenë ndër aktorët kryesore të këtij teatri.
Është protagonist në premierën e parë të teatrit të Vlorës te drama Fundosja e Skuadrës e Spahivogli. Godo ka spikatur për lojën e tij realiste, me një zë të plotë, i parapëlqyer për te jetësuar figura epike, heroike, duke gërshetuar aty me maturi dhe sens artistik anët e madhërishme me ato humane, sikundër janë Hodoja te Lidhur si Fishekë Gjerdani, Batoja te Jatagani, Isa Boletini te Besa e Trojeve etj.
