Gjykata e Lezhës ka caktuar burg pa afat për 62-vjeçari Arsen Dani, i cili vrau me thikë nënë e tij pak ditë më parë në Lezhë. Ai do te shtrohet ne një spital psikiatrik, pasi siç raportua edhe më herët autori, vuante nga probleme të shëndetit mendor.
Ngjarja e rëndë ndodhi pasditen e 13 Majit ku 62-vjeçari goditi me thikë nënën e tij të moshuar duke e lënë të vdekur në vend. Krimi u regjistrua në lagjen “Besëlidhja” të qytetit brenda banesës ku ata jetonin. 86-vjeçarja dhe djali i saj jetonin bashkë në një apartament në Lezhë, ndërsa dy fëmijët e tjerë të viktimës banojnë në Tiranë. Nga raportimet e deritanishme thuhet se 62-vjeçari vuan nga probleme të shëndetit mendor. Ndërsa sipas të afërmve të tij, Dani ka mbaruar shokllën për mjekësi, madje ka qenë ekselent.
