Kancelari gjerman Olaf Scholz u bëri thirrje sot gjermanëve të votojnë për të mbrojtur demokracinë ndërsa sulmet ndaj politikanëve në vend vijnë duke u rritur mes fushatës për zgjedhjet evropiane të 9 qershorit.
“Sulmet kundër demokracisë na shqetësojnë të gjithëve. Ne nuk rrimë duarkryq kur politikanët (…) sulmohen dhunshëm, kur shkatërrohen postera zgjedhor ”, theksoi Scholz në një video-mesazh të transmetuar me rastin e Ditës së Evropës.
“Një përgjigje që mund të japë secili prej nesh është fare e thjeshtë: shko dhe voto!” shtoi kancelari gjerman.
Votimi me postë ka nisur tashmë në Gjermani, shteti më i populluar në BE, ndërsa për herë të parë do të mund të votojnë qytetarët nga mosha 16 vjeç. Rritja e sulmeve të dhunshme, fyerjeve dhe kërcënimeve ndaj politikanëve ka shkaktuar shqetësim të madh në vend ditët e fundit, pas një sërë incidentesh.
Më e fundit prej tyre ndodhi të martën, kur një burrë goditi me kokë ish-kryebashkiakun e Berlinit, Franziska Giffay, një anëtare e Social Demokratëve (SPD), ndërsa ajo ishte në një bibliotekë në kryeqytetin gjerman. Incidenti më i rëndë ka të bëjë me eurodeputetin Matias Eke, gjithashtu i SPD-së, i cili u plagos rëndë javën e kaluar kur katër persona e sulmuan teksa ai po vendoste postera në Dresden të Saksonisë.
Për ngjarjen janë duke u hetuar katër të dyshuar të moshës 17 deri në 18 vjeç. Sipas shtypit lokal, të gjithë ata kanë lidhje me grupet e ekstremit të djathtë. Në mesazhin e sotëm, Scholz kritikoi programin e Alternativës së ekstremit të djathtë për Gjermaninë (AfD), e cila duket se po mbledh 15% të synimeve të votuesve, sipas sondazheve, dhe është në vendin e dytë pas Demokristianëve (CDU-CSU).
“Disa populistë po bëjnë thirrje që Gjermania të largohet nga BE (…) dhe të tjerë duan të shohin tërheqjen e BE-së. Çfarë çmendurie vetëshkatërruese! komentoi kancelarja, duke iu referuar programit të AfD, i cili favorizon një referendum për largimin e Gjermanisë nga BE, Scholz shpjegoi se meqenëse një në katër vende pune në Gjermani varet nga eksportet, njerëzit do të kenë më pak para pa BE.
Me 450 milionë qytetarët e saj, BE-ja ka një peshë politike të ndryshme nga çdo vend individual, vlerësoi ai. Kjo është thelbësore në kohë të pasigurta si këto," vuri në dukje kancelari gjerman, duke shtuar se do të ishte e papërgjegjshme të vihej në pikëpyetje një Evropë e bashkuar ndërsa lufta në Ukrainë është ndezur dhe një president i ri mund të zgjidhet në SHBA.
