Princ Leka dhe Elia Zaharia janë divorcuar zyrtarisht, sipas vendimit të Gjykatës së Tiranës.
Sipas dokumentit të siguruar nga Ballkan Web, vendimi për zgjidhjen e martesës së tyre është zyrtarizuar më 25 prill dhe tradhtia nuk ka qenë një arsye e përfundimit të martesës së çiftit.
Në të thuhet se ata janë ndarë për shkak të konflikteve të shumta e të vazhdueshme, ndërprerjes së bashkëjetesës dhe mungesës së komunikimit, arsye që janë aprovuar nga ish-çifti. Gjithashtu në këtë vendim është përcaktuar se aktorja nuk do e mbajë më mbiemrin Zogu, por do të rikthejë atë të vajzërisë.
Rikujtojmë se Elia Zaharia dhe Leka Zogu u përfshinë në një konflikt, i cili rrëmbeu vëmendjen e mediave, pasi u tha se i ati i Elias, Gjergji, kishte dhunuar Lekan.
Asokohe, princ Leka kishte shkuar të takonte të bijën, Geraldinën dhe ishte përballur me Gjergj Zaharinë, ish-vjehrrin, i cili ishte duke u kujdesur për mbesën e tij. Princ Leka pretendoi se ishte përballur fillimisht me ofendimet e ish-vjehrrit dhe më pas me dhunë fizike ndaj tij. Ndërkohë Gjergj deklaroi se është i moshuar dhe nuk kishte fuqi të ushtronte dhunë mbi askënd.
