Vajza 9-vjeçare, Ergesa Arrazi, e cila humbi jetën pasi dyshohet se u hodh në lumë bashkë me nënën dhe dy fëmijët e tjerë, do të përcillet sot për në banesën fundit. Mësohet se ceremonia mortore për 9-vjeçaren e ndjerë mbahet në orën 14:30.
Ndërkohë, kërkimet në lumin Buna po vijojnë ende për gjetjen e trupave të nënës dhe dy fëmijëve të tjerë, vajzës 8-vjeçe dhe djalin 3-vjeç. Forcat e Armatosura janë nisur drejt Shkodër për të dhënë ndihmën në gjetjen e trupave.
Kërkimet po vijojnë që nga ura e vjetër e lumit Buna, deri në grykëderdhjen e Velipojës, ndërsa në ndihmë kanë ardhur peshkatarët dhe banorët e zonës. Po ashtu bëhet me dije se janë marrë dhe po merren në pyetje familjarë të nënës 39-vjeçare, Alma Arrazi të cilët thonë se gruaja dhunohej sistematikisht, ndësa policia ka sekuestruar kamerat e sigurisë të disa bizneseve për të parë lëvizjet e fundit të nënës me 3 fëmijët, për të verifikuar dhe nëse ishte e vetme me ata.
