Pasi gjykata liroi protestuesit e arrestuar pas tubimit te Bashkia e Tiranës, por me një kusht që mos të merrnin pjesë në protesta të tjera, vjen reagimi nga demokrati Flamur Noka. Ky i fundit tha për mediat se kjo masë ishte e padëgjuar në 33 vite.
“Pasi iu turrën duke i dhunuar dhe marrë peng prej kaq ditësh, vetëm se protestojnë kundër hajdutërisë, sot në shtetin e Ramës nëse proteston kundër hajdutëve je i paligjshëm, nëse vjedh ke bekimet e autoriteteve. Masa e marrë nuk është dëgjuar në 33 vite.
U shpik një masë që nuk i lejohet të dilet në vende publike. Ndalohet e drejta e protestës, kemi të bëjmë me struktura të krimit të organizuar që janë turrur me çdo kusht të ndalojnë protestës. A gjykata policia apo shteti i Ramës nuk shpëton dot Veliajn apo ata që janë vjedhur, sepse do të përballen me opozitën. Veliaj do të kërrhet nga aty ku është sepse përfaqëson babëzinë.”, tha Noka.
