Dua Lipa është në kopertinën e Time, ku u shpall një ndër 100 njerëzit me më shumë ndikim në botë.
Në intervistë, Dua foli nga manifestimi i ëndrrave të saj, deri për vendlindjen e saj, Kosovën. Ajo ka treguar se që në fëmijëri, ka shkruar gjërat që ka ëndërruar për veten.
“Që kur kam qenë fëmijë, kam shënuar gjërat që kam ëndërruar për vetën time. Gjithnjë kam planifikuar më përpara. Edhe pse lindin surpriza rrugës, unë i vlerësoj në këtë moment, gjithmonë kam një objektiv afatgjatë”
Dua Lipa, e cila lindi në Londër në vitin 1995, nga Anesa dhe Dukagjini, të cilët u larguan si refugjatë në vitet ’90, ka folur gjithmonë për origjinën e saj.
“Jam nga dy vende në të njëjtën kohë. Të jem kosovare është një pjesë shumë e rëndësishme dhe fakti që mora nënshtetësinë shqiptare ka qenë shumë emocionues”, shtoi artistja, referuar marrjes së nënshtetësisë shqiptare në vitin 2022.
Ajo tregoi gjithaehty se kur flitet për Kosovën, nuk ka dëshirë t’i referohen si një vendi që ka përjetuar luftën, por është shumë më tepër.
“Kur unë dhe im atë bëjmë festivalin në Prishtinë, sjellim njerëzit nga e gjithë bota dhe ata vijnë dhe shohin që gjërat janë ndryshe nga ç’e presin”, u deklaroi Lipa.
