Pas Ambasadës së SHBA ka reaguar edhe delegacioni i Bashkimit Europian, i cili ka përshëndetur arritjen e dakordësisë mes mazhorancës dhe Rithemelimit, për ngritjen e komisioneve hetimore.
Në reagimin e delegacionit të BE theksohet se një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit, i mbështetur nga shumica dërrmuese e shqiptarëve.
Reagimi i delegacionit të BE në Shqipëri:
Mirëpresim lajmin për rikthimin e normalitetit në Parlament. Siç kemi thënë dhe më parë, një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit, i mbështetur nga shumica dërrmuese e shqiptarëve.
