Vajza e kryedemokratit Sali Berisha, Argita Malltezi ka deklaruar se arrestimi i babait dhe bashkëshortit të saj, Jamarbër Malltezi është politik.
Në një konferencë për mediat, Malltezi ka deklaruar se Ministri Taulant Balla në SPAK ka bërë kallëzim të rremë dhe për këtë duhet që të jap llogari. Po ashtu ajo ka theksuar se si Berisha dhe Malltezi ndodhen në arrest, në fazë hetimesh pa asnjë provë dhe pa asnjë fakt.
"Sali Berisha dhe Jamarbër Malltezi janë në burg në fazë hetimesh pa asnjë prove, fakt apo dëshmi që të tregojnë se ata kanë kryer një rol në atë që njihet si çështja Partizani. Ky vijim hetimesh ose duhet të gjenerojë prova ose duhet pranohet publikisht që masa nuk ka synim realizimin e procesit të hetimit, por goditjen e opozitës për qëllimet politike të pushtetit. Cështja filloi nëpërmjet diktatit politik. Balla në 2020 bëri një kallëzim të rremë që nxiti disa pretendime, që SPAK më pas i ktheu në pretendime të veta. Për këto në botë njihet parimi që ligji njihet. Ky është një kallëzim i rreme dhe Balla duhet të ishte para bankës së akuzuarve. Janë dhënë disa fakte, por SPAK nuk e ka marrë për bazë këtë. Siç mund të shikohen rradha e veprimeve proceduriale, ka një trysni ndaj SPAK nga Edi Rama," tha Malltezi.
