Kur ishte president, Donald Trump shprehu admirimin e tij për Adolf Hitlerin në më shumë se një rast, duke pretenduar se Fyhreri kishte bërë gjithashtu edhe "disa gjëra të mira".
Janë deklarata që do të mund t’i lexojmë në një libër të ri që do të dalë të martën në SHBA të titulluar “Kthimi i fuqive të mëdha” të shkruar nga spikeri i CNN, Jim Sciutto, në të cilin disa nga ish-bashkëpunëtorët e manjatit raportojnë një sërë deklaratash të forta.
Sipas të njëjtave burime në veçanti, Trump vlerësonte "menaxhimin e ekonomisë" të Hitlerit dhe "kontrollin që ai kishte mbi gjeneralët e tij". Në një bisedë tjetër, shkruan gazetari Sciutto, Trump ka qenë i fokusuar në aftësinë e pazakontë të Hitlerit për të siguruar besnikërinë e gradave më të larta të shtetit.
Burim i këtyre deklaratave tronditëse të cituara në libër janë ish-këshilltari i sigurisë kombëtare John Bolton (këshilltar për sigurinë kombëtare gjatë administratës së parë të Trump) dhe gjenerali në pension John Kelly, të cilin manjati amerikan, Donald Trump e donte në krahun e tij si shef shtabi nga korriku 2017 deri në janar 2019. ©LAPSI.al
