Deputeti i Partisë Socialiste Bujar Çela është jashtë rrezikut për jetën thonë burime nga spitali i Lushnjes ku janë shtruar edhe 5 të plagosur të tjerë përveç tij. Gjendja e tyre është e rëndë, pasi shpërthimi ka qenë i fuqishëm në kapanonet që po ndërtoheshin në periferi të qytetit.
Dyshohet se shkak për shpërthimin është bërë linja e tensionit të lartë që ka rënë mbi depozitat e gazit, të cilat furnizonin disa biznese. Në vendin e ngjarjes kanë shkuar zjarrfikëset dhe forca të shumta policie, ndërsa mbetet për t'u verifikuar nëse shpërthimi ka ndodhur si pasojë e një gabimi njerëzor që mund të ishte shmangur.
