Një i ri shqiptar ka humbur jetën pas një aksidenti të rëndë automobilistik në aksin Seksklou – Volos në Greqi.
Aksidenti tragjik ka ndodhur pak para orës 18.00, kur 26-vjeçari Serxho Sula, po kthehej nga Rizomylos, ku kishte shkuar për të ndjekur ndeshjen e futbollit mes Asteras dhe Thereas Agrias.
Mediat greke shkruajnë se motoçikleta me të cilën po udhëtonte ka rrëshqitur në sipërfaqen e rrugës dhe ka dalë nga rruga. Për pasojë ai është përplasur në parmakë dhe ka gjetur vdekjen.
Sipas të njëjtave burime, i riu shqiptar i cili jetonte në Nea Jonia Volos kishte një dobësi të veçantë për motorët. Një ambulancë mbërriti në vendngjarje, por tashmë ishte tepër vonë. Sektori i Policisë së Qarkullimit në Volos po kryen hetimet paraprake për shkaqet e aksidentit.
/LAPSI.al
