Një ngjarje e rëndë raportohet të ketë ndodhur mbrëmjen e kësaj të mërkure në qytetin e Fierit. Mediat raportojnë për disa punonjës të asfiksuar nga lëndë kimike në një kompani të huaj. Bëhet fjalë për kompaninë koreane “YURA”.
Në ambientet e saj kanë shkuar forca policie dhe 3 autoambulanca. Sipas të njëjtave burime dyshohet se punonjësit janë asfiksuar gjatë procesit të punës që kryhen brenda saj. Raportohet se kjo kompani operon në sektorin e pajisjeve elektrike për automjetet, aktivitet që e ushtron prej 5 vitesh.
"Rreth orës 20:30, disa punonjëse të një kompanie për prodhimin e sistemit elektrik dhe të pjesëve automobilistike, kanë shfaqur probleme shëndetësore dhe kanë kërkuar ndihmë mjekësore.
7 prej tyre kanë marrë ndihmën e parë në ambientet e kompanisë, dhe janë larguar në banesë, ndërsa njëra prej tyre vijon të marrë ndihmën mjekësore në spital, ku ndodhet jashtë rrezikut për jetën. Grupi hetimor po punon për përcaktimin e shkakut dhe dokumentimin e plotë ligjor të ngjarjes" - thuhet në njoftimin e policisë.
Lajm në përditësim... ©LAPSI.al
